Атырауда мұнай өнімдерін өндіру және жөнелту мәселелері талқыланды

«ҚазМұнайГаз» ҰК » АҚ Басқарма төрағасы Мағзұм Мырзағалиев ішкі нарықта битумның маусымдық тапшылығын бірқатар жүйелі шаралар қабылдау есебінен болдырмауға болатынын атап өтті.

«Кеше Мемлекет басшысы Қазақстан халқына Жолдауында Жол-құрылыс жұмыстары маусымында ішкі нарықта битум тапшылығы мәселесі бойынша әділ сын айтты. Біз әріптестерімізбен және мүдделі мемлекеттік органдармен бірлесіп қалыптасқан жағдайды өзгерту жөнінде түбегейлі шаралар қабылдауымыз қажет», – деді Мырзағалиев АМӨЗ және Атырау қаласындағы Caspi Bitum Ақтау битум зауыты басшылығының қатысуымен өткен кеңесте.

Кеңес барысында атап өтілгендей, Қазақстанда битумға сұраныс әлі де маусымдық болып қала береді және жазғы кезеңде – белсенді жол құрылысы кезінде артып келеді. Осыған байланысты Мырзағалиев ҚМГ-ның жауапты құрылымдық бөлімшелеріне уәкілетті мемлекеттік органдармен мемлекет тарапынан жол-құрылыс ұйымдарын жыл бойы қаржыландыру (аванстау) мүмкіндігін талқылауды тапсырды. Бұл ішкі нарықта жол-құрылыс жұмыстары маусымының басында қажетті битум қорларын қалыптастыруға мүмкіндік береді.

Сонымен қатар, Caspi Bitum зауытының өкілдері хабарлағандай, жоғары сапалы битум өндірісін жылына 1,5 есе, 750 мың тоннаға дейін ұлғайту мүмкіндігі бар. Компанияда алдын-ала техникалық-экономикалық негіздеме әзірленді, мамандар жобалауға кіріседі.

Естеріңізге сала кетейік, «ҚазМұнайГаз» зауыттарының битум өндірісі бойынша максималды қуаты жылына 800-850 мың тоннаны құрайды, оның 500 мың тоннасын Caspi Bitum өндіреді. Бұл зауыттың ерекшелігі-кез-келген климаттық жағдайда және ұзақ уақыт бойы пайдалануға және сақтауға болатын үлкен багтарда оралған битум өндіру мүмкіндігі.

Сондай-ақ, кеңесте АМӨЗ басшылығы кәсіпорынның тұрақты жұмыс істеп жатқандығы туралы ақпарат берді, қазіргі уақытта өндірістік көрсеткіштер орындалуда. Ағымдағы жылдың қорытындысы бойынша зауытта өңдеу көлемі 5 миллион тоннадан асады. Жанар-жағармай материалдары нарығындағы жағдайды тұрақтандыру үшін қыркүйекке жоспарланған АМӨЗ жөндеуін кейінгі кезеңге ауыстыру нұсқалары пысықталуда. Осыған байланысты Мырзағалиев АМӨЗ басшылығына ЖЖМ нарығындағы ағымдағы жағдайды ескере отырып, зауытты жөндеуді көшіру бойынша дайындық іс-шараларын қамтамасыз етуді тапсырды.

https://tengrinews.kz/news/voprosyi-proizvodstva-otgruzki-nefteproduktov-obsudili-476828/

Теги: ptcoperator Утеев Руслан ANPZ мұнай-химияцистерналары

PTC Operator
сандармен
13.8 млн тонна 2021 жылғы тасымалдау көлемі
12598 вагон-цистерна
16 бизнес ауқымындағы елдер
184 қызметкерлер саны
Біздің компаниялар
PTC Транс
PTC-CA